Kamis, Agustus 21, 2014

Cover bisa ketipu ko sonde.

Kawan ,
Beta mo kasih tau sang lu, jangan melihat, menilai dan menjudge orang lain dari chasing" nya, salah besar kawan, lu harus pintar2 melihat orang lain supaya lu jang salah sangka, pikir ko dan buat perbandingan, jaman sekarang harus bisa lihat, semua aspek, bukAn  hanya penampilan luar sa kawan, bisa- bisa lu kana tipu, kok kadang-kadang orang talalu gila hormat karmana ko kalau lia ada orang Deng oto bagus ,pikir su hebat mamati, ada yang  cantik, keren , penampilan oke ,gaya trendi, aksesorisnya mewah, itu mata su melotot fokus sang dia yang paling perfect su. Sampai lu sandiri bingung itu asli ko palsu?

Napa beta bilang bagini, karena B Lia manusia sebelah tuh, mata melotot kek anjing keluar lidah yang lagi tergiur, kalau ada orang lain yang status sosial lebehhhhhh, lu tau sa kalo bilang lebehhhh tuh sond ada tandingan lai, manusia itu dorang, mati kutu sama sonde mau lepas dari jurAgan. Dia pung cari muka alim kek apa ko, lu pasti tau dia pung ciri-ciri kalau cari muka dan su kek anjing yang selalu iko lu dari belakang tuh,
.
Coba lu banya doi, gaga, parlente, pake roda empat, pake plat oto yang pesan kek model lu pung nama, lu masuk komunitas bergengsi di ini tampat, aweeeeeeeee. Lu siap2 sa, yang iko lu dari belakang, samping kiri, samping kanan,mungkin banyakkkk, sampai lu sond bisa ator waktu untuk lu pung diri lai. Ibarat tuh lu dikelilingi semut-semut manis, weeeeeee pung senang lai? Pung manissssss laiiiiiii

Coba lu robah Sadiki, lu pake baju biasa sa yang agak noda, harbabiruk Sadiki, lu pake sandal jepit yang kamomos,, lu jalan pagi-pagi pi pasar, kasih bedak cokelat kehitam-hitaman di lu pung muka leher tangan Deng kaki jang lupa, kl memang su dasarnya hitam lebih bagus lai, alami tingkat tinggi.
Baru lu jalan di jalan umum. B tanya nih, lu ada berani ko sonde? Lu punya nyali KO sondee? Apa yang lu pikir? Masalah KO buat lu? Atau masalah buat beta? Lu bisA coba.........biar lu rasa misalkan sonde ada yang akan Togor/panggil sang lu. tukang ojek mo bel muat cari penumpang sa pikir, lu bisa bayar KO sonde, sonde tau hal, lu pung saku celana yang su tarobek tuh lu ada bawa ATM dan HP, suatu saat lu butuh apa-apa, tinggal mainkan sa.

Tapi kawan, sonde samua orang melihat dari sudut pandang seperti itu. Tunggu beberapa waktu baru dong pahami, kalau dong Lia aslinya, jadi penampilan itu bisa MENiPu lu pung mata, kawan.

Lu harus banyak pengalaman untuk bisa melihat, menerawang dan menganalisa setiap penampilan seseorang. Supaya lu bisa prediksi mana yang asli dan mana yang palsu, mana yang benar dan mana yang tidak patut untuk dibenarkan. Begitupun dengan perilaku dan tabiat. Sudut pandang itu bisa Katong gunakan untuk memahami orang lain Deng dia pung gaya sandiri-sandiri.

Bae su kawan, jangan Lia orang yang bagus-bagus lu mata Ijo n bae mAmati tapi kAlau yang sonde bagus lu Lia Deng mata sebelah. Jangan ooooo.

B hanya kasih tau sang lu, lu akan tau siapa lu pung sodara, siapa lu pung kawan bae DAn sapa lu pung sahabat di saat lu susah, tapi kalau disaat lu sAnang, banyak yang datang sang lu, tanpa lu cari, semoga lu bisa memilah-milah ya dengan bae karena beta pung prinsip APA YANG LU TABUR , ITU YANG LU TUAI ,kalo Su paham ini na Katong lanjut su. Hidup bae sa kawan. Kalo kali ini lu bisa katawa Happy nikmatin sa, selagi ada waktu, karena besok-besok giliran untuk orang lain lai, tapi kalau sekarang lu ada sedih mamati lu pung hati,nikmati sa karena besok-besok mang kali lu bisa ketawa riang toh, jadi hidup ini biar hidup sesuai dengAn jalannya. obrigado.